النهاردة رضوى اشترت لي صبّارة صغننة مزروعة في الرمل جوا فخارة زرقا، الصبّارة بعد شوية وقت بتطلع ورد أحمر صغير والشوك بتاعها ما بيعوّرش … أنا فرحانة بيها أوي، لدرجة إنه عينيّ دمعت وأنا مروحة في المترو وقعدت أفكر نفسي إني هسقيها كل أسبوعين وأحاول أتخيل شكل الورد لما يزهّر .. فكرت كمان آخدها معايا الشغل وأحطها في مكان شمس -مع إنها مش محتاجة الشمس - بس أنا متخيلة شكلها في النور …..
حد عارف لما يحس بحاجة إنها حتة منه؟! .. الأهم من كل دا الجملة اللي قالتها لي: "هى دي اللي هتعدّي معاكي كل الوقت الجاي" ..... أنا قلت إني بحب رضوى قبل كدا صح؟
أنا ممتلئة بالحب لرضوى !
مش عارفه حتصدقينى ولا لاء
ردحذفبس انا عينى دمعت لمشاعر الرقه والصداقه الحلوه دى
تحياتى لكى ولرضوى :)