الخميس، 25 نوفمبر، 2010

كوابيس

- بقالى كام ليلة بشوف كذا حد من أهلى ميت فى الحلم، أمى واخواتى، وناس قرايبنا

- ولما تتأكدى انهم ماتوا؟

............... بحس بندم شديد، بعيط كتير، وأحاول أفتكر آخر مرة شفتهم

بكتشف انو فيه وقت كتير ضاع منى


- ولما بتصحى؟

- بآخد نفس، وأقول الحمد لله

- بيقولوا لو شفتى حد مات ده معناه إن عمره طويل فى الدنيا

- يمكن ... بس لحد دلوقتى ماشفتنيش ميتة فى أى حلم !!

هناك تعليق واحد:

  1. قلبك ابيض يانهى :)
    سلامتهم و سلامتك إن شاء الله
    أظن الاستعاذة من الشيطان مطلوبة دلوقتى ،،، بلاش التجاوب مع فكرة زى دى ،،،، أكيد قلوبنا كلنا فى الزمن ده مش ناقصة وجع ،،، نلاحق على الواقع الأول و بعدين نبقى نحلم بوجع قلب جديد :)

    ردحذف